Hardware ပိုင်း Intro

Mobile Phone Hardware Service အား လေ့လာခြင်း

ဆရာ စိုးမြတ်သူ ရေးသားထားသော Post ဖြစ်ပါသည်။ ဆရာရေ ကျေးဇူပါ ခင်ဗျား။

            မိုဘိုင်းဖုန်းပြုပြင်ခြင်းတွင် အပိုင်းနှစ်ပိုင်း ရှိသည်။ ဖုန်းကို Computer ဖြင့် ချိတ်ဆက်ပြုပြင်သော
Software Service နှင့် ဖုန်းအတွင်းပိုင်းပစ္စည်းများကို ဖြုတ်တတ်လြဲပုပြင်သော Hardware Service
တို့ဖြစ်သည်။

Software service တွင်

ဖုန်းကို root ဖေါက် မြန်မာစာထည့်သွင်းခြင်း၊ game နှင့် application များသွင်းခြင်း၊ pin lock pattern lock
ဖြည်ခြင်း၊ network lock ဖြည်ခြင်း၊ maleware များ ရှင်းလင်းဖျက်ထုတ်ခြင်း၊ firmware တင်ခြင်း၊ update
မြှင့်ခြင်း အစရှိသည်တို့ဖြစ်သည်။

Hardware service တွင်

စပီကာ (speaker)၊ မိုက် (mic)၊ Touch၊ LCD လဲလှယ်ခြင်း၊ IC ကဲ့သို့သော ပံ့ပိုးပစ္စည်း (components)
များလဲလှယ်ခြင်း တို့ဖြစ်သည်။
Mobile hardware service လုပ်ရာတွင် ပြစ်ချက်ဖြစ်ပေါ်သောအပိုင်းကိုရှာဖွေခြင်း၊
ရောက်ရှိနေရမယ့် ပေးသွင်းဗို့ (power supply)၊ အချက်ပြလှိုင်း (signal) တို့ကို တိုင်းတာစစ်ဆေးခြင်း၊
ပျက်စီးနေသော အီလက်ထရောနစ်ပံ့ပိုးပစ္စည်းများကို ရှာဖွေစစ်ဆေးဖေါ်ထုတ်ခြင်း၊ လဲလှယ်အစားထိုးခြင်း
စသည့် အဆင့်အလိုက် လုပ်ငန်းစဉ်များရှိသည်။

Hardware service လုပ်ရာတွင် software service ကိုလည်း အတန်အသင့် နားလည်ထားရန်လိုသည်။
တချို့သောပြစ်ချက်များမှာ hardware မလုပ်ခင် software ပိုင်းကို အရင်စစ်ရန်လိုသောကြောင့်ဖြစ်သည်။
ဥပမာအားဖြင့် ဖုန်းတလုံးတွင် ဖုန်းလာသောအခါ ring tone မမြည်ဘူးဆိုပါစို့။

Music player တခုခုဖြင့် သီချင်းဖွင့်ကြည့်သောအခါ အသံထွက်လာပါက ဖုန်း၏ hardware ပိုင်းတွင်ရှိသည့်
အသံချဲ့ပိုင်း (audio amplifier)၊ စပီကာ (speaker) တို့ ကောင်းမွန်သည်ဟု အကြမ်းဖျင်းမှတ်ချက်ချနိုင်သည်။
Hardware ပိုင်းမစစ်ခင် software ပိုင်းကို အရင်စစ်သင့်သည်။ Sound setting ထဲတွင် အသံပိတ်ထားခြင်း
(mute)၊ ringtone သံ တိုးထားခြင်း၊ call recorder ကဲ့သို့ အသံဖမ်းဆော့ဖ်ဝဲများသွင်းထားသဖြင့် အသံပိုင်းကို
အနှောင့်အယှက်ဖြစ်ခြင်း၊ ဖုန်းနှင့် မကိုက်ညီသော အသံပိုင်းဆိုင်ရာ application သွင်းထားခြင်း တို့ကို
စစ်ဆေးသင့်သည်။ Callrecorder ကဲ့သို့သော အသံနှင့်သက်ဆိုင်သည့် application များကို ဖျက်ထုတ်ခြင်း၊
fectory reset ချခြင်း၊ firmware ပြန်ရေးခြင်း တို့ကို စမ်းသပ်သင့်သည်။ Software ပိုင်း ပြုပြင်မရတော့မှ
hardware ပိုင်းကို ပြင်ဆင်သင့်သည်။

ပါဝါမပွင့်တော့သော ဖုန်းတလုံးကို software error နှင့် hardware error ကိုလဲ ခွဲခြားသိရန်လိုသည်။
ဗို့အားပေးပိုင်း (power supply) ပျက်စီးခြင်း၊ မှတ်ညာဏ်ပိုင်း (memory chip) ပျက်စီးခြင်းတို့ကဲ့သို့
hardware error များရှိသကဲ့သို့ OS (Operating System) ကို ဖွင့်ပေးသည့် bootloader ပိုင်း ပျက်စီးခြင်း၊
firmware ပျက်စီးခြင်းကဲ့သို့ software error များလဲ ဖြစ်တတ်သည်။
Service လုပ်ရာတွင် software နှင့် hardware တို့၏ ချိတ်ဆက်အလုပ်လုပ်ပုံကိုလဲ နားလည်ထားရန်လိုသည်။
နောက်ပိုင်းတွင် သာဓကများဖြင့် အသေးစိတ် ရှင်းလင်းပေးပါမည်။

Mobile Phone Hardware Service ကို လေ့လာရာတွင် အကြမ်းအားဖြင့် (၄) ပိုင်း
ပိုင်းခြားလေ့လာနိုင်ပါသည်။

1. Schematic Diagram, Layout Map & Block Map

ဆားကစ်တည်ဆောက်ထားပုံကို ဖေါ်ပြထားသော schematic များကို လေ့လာခြင်း၊
အီလက်ထရောနစ်ပံ့ပိုးပစ္စည်းလေးများကို ဆားကစ်ဘုတ်ပြားပေါ်တွင် နေရာချထားခြင်းကို လေ့လာခြင်း နှင့်
ဆားကစ်ပြား၏ ဓါတ်ပုံကို လေ့လာခြင်းဖြစ်သည်။
မူရင်းတည်ဆောက်ပုံ ဆားကစ်ပတ်လမ်းအပြည့်အစုံကို လေ့လာခြင်းထက် အပိုင်းခြွဲခားလေ့လာနိုင်လျှင်
ပိုမိုရှင်းလင်းလွယ်ကူသည်။ ဥပမာ အသံပိုင်း၊ အရုပ်ပိုင်း၊ ရေဒီယိုပိုင်း စသည်တို့ကို အပိုင်းခွဲခြားလိုက်လျှင်
ပိုမိုရှင်းသည်။

2. Theory , Structure & How to work

ဖုန်းအတွင်းတွင် အပိုင်းတခုခြင်း အလုပ်လုပ်ပုံ၊ အပိုင်းအခြင်းခြင်း ချိတ်ဆက်အလုပ်လုပ်ပုံ၊
ပတ်လမ်းစီးဆင်းလည်ပတ်ပုံ၊ ဗို့အားလမ်းကြောင်းများ ခွဲဝေလုပ်ဆောင်ပေးပုံ၊ အချက်ပြလမ်းကြောင်းများ၏
အလုပ်လုပ်ပေးပုံ အစရှိသည်တို့ကို အသေးစိတ်လေ့လာခြင်းဖြစ်သည်။

3. Check error & Analysis volts and control signals

ပြစ်ချက်ရှာဖွေစစ်ဆေးခြင်း၊ ပေးသွင်းဗို့နှင့် အချက်ပြလှိုင်းများ စစ်ဆေးခြင်း၊
အီလက်ထရောနစ်ပံ့ပိုးပစ္စည်းလေးများ ကောင်းမကောင်း တိုင်းတာစစ်ဆေးခြင်း၊ အမြင်အားဖြင့်
ရေဝင်ဆားပေါက်ဖြင်း လောက်ကျွမ်းထားသည်များကို စစ်ဆေးခြင်း စသည်တို့ဖြစ်သည်။

4. Ball & Reball ICs and Components

ပျက်စီးနေသော IC ၊ speaker ၊ mic အစရှိသည်တို့ကို ဖြုတ်တတ်လဲဖြင်းဖြစ်သည်။
၎င်းအပိုင်းတို့ကို သင့်တင့်မျှတစွာ လေ့လာတတ်မြောက်လျှင် မိုဘိုင်းဟာ့ထ်ဝဲဆားဗစ်လုပ်ငန်းကို
အောင်မြင်စွာ လုပ်ကိုင်နိုင်ပါလိမ့်မည်။

1. Schematic Diagram , Layout Map & Block Map

Schematic Diagram

Huawei G610U00 ဖုန်း၏ Schematic ဖြင့် နမူနာပြထားသည်။ ဖုန်းအတွင်းရှိ ဗို့အားခွဲဝေပေးသော
ဗို့အားပေးပိုင်း (Power Management Unit IC PMU) ၏ Schematic Diagram ဖြစ်သည်။
ပုံတွင် PMU သို့ ပေးသွင်းဗို့များ၊ PMU မှထုတ်ပေးသော အထွက်ဗို့လိုင်းများ၊ PMU ကို
ထိန်းချုပ်မောင်းနှင်ပေးသည့် Oscillation (လှိုင်း) များ၊ အခြားပံ့ပိုးပစ္စည်းများဖြင့် တွဲစပ်အလုပ်လုပ်ပုံများကို
အသေးစိတ် အပြည့်အစုံ ထည့်သွင်းဖေါ်ပြထားသည်။

Schematic diagram ကို ဥပမာပြရလျှင် ဂီတသံစဉ်များ ဖန်တီးသည့်အခါ ရေးမှတ်ထားသည့် သင်္ကေတနုတ်စ်

နှင့် ပမာတူသည်။
ခရီးသွားလာရာတွင် လမ်းကြောင်းပြမြေပုံညွှန်းကဲ့သို့ ဖြစ်သည်။ အသံထွက်ကို မှတ်သားထားသော အက္ခရာနှင့်
တူသည်။ တည်ဆောက်ထားသည့် ပုံစံအတိုင်း သင်္ကေတပုံဖြင့် ဖေါ်ပြထားခြင်းဖြစ်သည်။
ထည့်သွင်းအသုံးပြုထားသော components လေးများကိုလဲ serial , code တို့ဖြင့် ခွဲခြားထားသည်။
Component များ၏ သင်္ကေတ (symbol) ဖြစ်သည့် Diode ဆိုလျှင် (D001)၊ Resistor ဆိုလျှင် (R001)၊
Condenser ဆိုလျှင် (C001) ကဲ့သို့ serial ဖြင့် ခွဲခြားဖေါ်ပြပေးသည်။

အသုံးပြုထားသော နေရာအလိုက် ကုဒ် (code) ဖြင့်လဲ ခွဲခြားဖေါ်ပြပေးသည်။ ပုံတွင် နမူနာကြည့်ပါက
ဗို့အားပေးသောအပိုင်းဖြစ်သောကြောင့် ၄င်းအပိုင်းတွင်ရှိသော parts (components) များ၏
ရှေ့ဆုံးကုဒ်နံပါတ်ကို (2) ဖြင့် ဖေါ်ပြသည်။ IC ကို U201၊ Condenser များကို C201၊ Resistor များကို R201
က့သဲို့ code ခွဲခြားပေးထားသည်။
ဆားကစ်ဒိုင်ယာဂရမ်ကို လေ့လာလိုပါက အသုံးပြုထားသော အီလက်ထရောနစ်ပံ့ပိုးပစ္စည်း (Electronic
Components) များ၏ သင်္ကေတပုံ (symbol) နှင့် အလုပ်လုပ်ပုံကို ဦးစွာ လေ့လာထားရန်လိုပါသည်။

Layout Map

အီလက်ထရောနစ်ပံ့ပိုးပစ္စည်း (Electronic Components) များ၏ နေရာချထားခြင်းကို ဖေါ်ပြသည်။
Schematic Diagram တွင်ပြထားသော components လေးများ၏ နေရာအတိအကျကို ရှာဖွေနိုင်သည်။
Schematic Diagram တွင်ပါရှိသော စီရီယယ်နံပါတ် (serial no) အတိုင်း ပြပေးသည်။
Schematic Diagram နှင့် Layout Map နှစ်ခုတွဲလေ့လာလျှင် ပိုမိုပြည့်စုံပြီး နားလည်လွယ်သည်။

Block Map

ပြင်ပဆားကစ်ပြား၏ မူရင်းပုံအတိုင်း ဓါတ်ပုံဖြင့် ဖေါ်ပြပေးသည်။ Layout map နှင့် တထပ်ထဲတူသည်။
Layout Map နှင့် Block Map နှစ်ခုကို တွဲကြည့်လျှင် နားလည်လွယ်သည်။
Schematic Diagram, Layout Map & Block Map တို့ကို နားလည်နိုင်ရန်အတွက်
အခြေခံအီလက်ထရောနစ်ပံပိုးပစ္စည်းလေးများ (Basic Electronic Components) ၏
တည်ဆောက်ထားပုံ အလုပ်လုပ်ပေးပုံ ကောင်းမကောင်း တိုင်းတာစစ်ဆေးပုံတို့ကို
နားလည်ထားရန်လိုအပ်သည်။
မိုဘိုင်းဖုန်းတွင် အဓိကအသုံးပြုထားသော အီလက်ထရောနစ်ပံ့ပိုးပစ္စည်းများမှာ ဆားကစ်ဘုတ်ပြားပေါ်တွင်
တွဲကပ်တပ်ဆင်ထားသော SMD (Surface Mount Device) များဖြစ်ကြသဖြင့် အရွယ်အစား
အလွန်သေးငယ်သည်။ အဓိကအားဖြင့် အခြေခံပစ္စည်း (၇) မျိုးဖြင့် ဖွဲ့စည်းတည်ဆောက်ထားသည်။
၎င်းတို့အကြောင်းကို အသေးစိတ်နားလည်ထားလျှင် ပြစ်ချက်ရှာဖွေသောအပိုင်းတွင်
ပိုမိုထိရောက်မြန်ဆန်သည်။

၎င်းတို့မှာ …
1. Resistor
2. Condenser (Capacitor)
3. Diode
4. Coil (Conductor)
5. Crystal (X'tal)
6. Transistor
7. IC
တို့ ဖြစ်ကြသည်။

ှအဆင်ပြေကြပါစေ
မိုဘိုင်း ဆားဗစ် သရဲ